Eaeaki nga naga baligya it illegal nga droga dakop sa buy-bust operation sa isla it Boracay

KALIBO, AKLAN — Dakop sa ginpatigayon nga buy-bust operation kahapon it agahon ro sangka eaeaki sa Brgy. Balabag, Boracay, Malay, Aklan.
Ro suspek nakilaea kay Abdul Azis Sarip y Venus, 29-anyos, taga San Jose, Romblon ag presente nga naga-istar sa nasambit nga lugar.
Ginpatigayon ro buy-bust operation ko gintingub nga pwersa it Boracay Tourist Assistance Center (BTAC), Malay PNP, Aklan PPSC, 12IB, TIU ag PDEA 6 kung sa siin nahabakean si Sarip it sangka plastic sachet it ginapatihan shabu kabaylo it 1, 200 pesos nga buy-bust money ko poseur buyer.
Samtang, sa ginpatigayon nga body search sa suspek, nabueo pa gid sa anang possession ag control ro tatlo ka mga sachet it ginapatihan shabu.
Nakataeana man nga iga-inquest makaron nga adlaw si Sarip sa kasong pagbayolar sa RA 9165 ukon Comprehensive Dangerous Drugs Act of 2002.

Facebook Comments