Eaeakibinuno it anang bayaw bangud eamang sa sigarilyo

16

Malinao, Aklan – Tama it pagbuno waea nga ilokon rong naamgkon it sangka eaeakai matapos nga bun-on ko anang bayaw kabii sa Brgy, Cabayugan, Malinao, Aklan.
Rong biktima nakilaea kay Jomar Zorilla, 28-anyos samtang rong suspek nakilaea kay Eric Isuga, 28-anyos ag parehong mga residente it nasambit nga lugar.
Suno sa biktima nga kahapon hay nag gaeab sanda it paeay ag pagka gabii hay nag-inum-inum kung sa siin may natabo nga uwa pagkaintindihan sa daywa ag nabun-an ro biktima.
Samtang base sa imbestigasyon it Malinao PNP nga nagtuhaw rong diskusyon ko daywa tag mangayo it sigarilyo ro biktima sa suspek.
Insigida nga gindaea sa hospital rong biktima para mataw-an it nagakaigo nga pagbueong samtang rong suspek hay eagi man nga naaresto sa andang baeay ag sa makaron hay una eon paghinakop it Malinao PNP para sa nagakaigo nga disposisiyon.

Facebook Comments