Nag awhag karon ang Department Of Education-Zambonga del norte sa mga estudyante nga sayo magpa enrol sa tulunghaan para sa sunod School Year 2018-2019.
Sa ilawom sa Deped Order no. 25 o Calendar for School Year 2017-2018 gikatakda ang sayo nga pagparehistro.
Kahinumduman nga nagsugod na ang early registration niadtong Enero 27 ning tuiga, para sa mga magtutungha gikan sa kindergarten hangtod high school sa tanan nga pampubliko nga mga tulunghaan sa tibuok nasud.
Ang early registration usa kini ka bulan o hangtod pa kini ugmang adlawa, Pebrero 28 ning tuiga.
Matod ni School Division Supt. Pedro Melchor M. Natividad dugay naman kini nga programa ge implementar sa departamento sa edukasyon isip pagpangandam ug sayo aron ma monitor kun si kinsa kadtong mga magtutungha sa sunod klase.
Nalakip niini ang mga transferee ug sa mo balik sa pagtungha gikan kinder, grade 1 ug hangtod sa sekondarya nga gilangkuban kini sa mga senior high school student.
Ang tumong niini mao man ang pag determinar sa tulunghaan kung pila gayud ka mga studyante aron sa ingon maka adjust ug mapahapsay ang lawak saringan ninii.
Lakip na usab nga masayran kung insakto ba ang mga magtutudlo ug mga pasilidad sa usa ka partikular nga tunghaan aron mapaabot gilayon sa hingtungdang ahensya*.*
Dugang pa ni Natividad nga pagpangandam usab kini sa umaabot nga brigada eskwela gani tinuig man kini nga kalihukan sa mga tulunghaan dinhi sa atong nasud.
