Early SY registration mi-arangkada

Davao City – Gisugdan na karong adlawa, Enero 26, ang early registration alang sa Kinder, Grade 1, 7 ug 11 sa tanang public ug private schools, alang sa umaabot nga S.Y. 2019-2020.

Sa interbyu kang Department of Education 11 (DEPED-XI) spokesperson Jenielito ‘Dodong’ Atillo sa programang ‘Straight to the Point’ tumong niini nga madeterminar ang dagan ug sitwasyon sa umaabot nga klase diin kini matapos sa Pebrero 22.

“This will give us a quick preview of what’s to come lakip natong mga posibleng sitwasyon ug makapreparar ta sa enrollment proper,” saysay niini.


Alang sa estudyante nga mag kinder kinahanglan 5 anyos na ang bata una mag Hunyo 5 diin ang kinahanglan nga dokumento mao ang PSA certified nga birth certificate, kinahanglan nakakumpleto og Kinder ang mag Grade 1 diin pangitaan kini og Kinder Garten Certificate of Completion ug PSA birth certificate.

Samtang ang mga mag Grade 7 kinahanglan nahuman usa ang Grade 6 diin dalaon ang Philippine Education Placement Test results ug birth certificate ug sa Grade 11 kinahanglan Grade 10 completer lakip ang card ug birth certificate.

Segun ni Atillo nga mamahimo nilang dawaton isip temporary pre-registered students ang mga magkulang sa mga dokumento apan kihanglan kini i-comply sulod sa maong school year.

RadyoMaN Jason Amisola

Facebook Comments