Davao City – Karon pa lang muhimo na og lakang ang kagamhanang lokal samtang wala pa mulihok ang Davao Central Fault System nga magmugna og 6.8 magnitude nga linog sa 60 ka barangay sa siyudad.
Mahinungdanon ang sayo nga pagpangandam aron sa ingon dili mabutang sa peligro ang kinabuhi sa mga residente sa mga barangay nga nakasulod sa fault line system.
Si Kinaiyahan Foundation Focal Person Betty Cabasares naghatag og suhestiyon sa pipila ka programa nga sa iyang tan-aw maoy pinaka-epektibong pamaagi sa paglikay sa katawhan gikan sa kakuyaw sa impact sa makusog nga linog.
Una, gikinahanglan palapdan ug pakusgan ang education campanign sa mga apektadong barangay aron ang katawhan mahibawo sa scientific result sa tinuod nga kahimtang sa ilang lugar.
Ikaduha, i-condemn ang mga gambalay nga anaa sa mga barangay nga nasulod sa Davao Central Fault System ug irelokar ang mga residente sa luwas nga barangay gikan sa pagtay-og.
Ikatulo, i-convert nga kaumahan ug tamnan og mga kahoy ang mga barangay nga dili na puwede puy-an aron sa ingon mapuslan gihapon kini sa panginabuhi ug pagprotekta sa kinaiyahan.
Ang hangyo lang ni Cabasares ngadto sa katawhan nga paminawon ug dili magmagahi ug tumanon ang pahimangno sa mga otoridad aron dili madisgrasya ang kinabuhi ugali muigo ang kusog nga linog sa siyu-dad sa dabaw.
RadyoMaN Joel Viray
