Davao City – Taliwala sa pandemya nagpadayon ang kampanya sa City Disaster Risk Reduction and Management Office (CDRRMO) sa pagbansay sa publiko sa mga angayang himuong pagpangandam sa mga dili matagnang linog ug uban pang katalagman.
Sa interbyu sa DXDC RMN Davao kang Alfredo Baloran, CDRRMO chief nagpahigayon og ikalimang city-wide earthquake drill ang syudad ug gisalmutan kini sa nagkadaiyang mga pampubliko ug pribadong opisina.
“Dapat gyod ni siya seryusuhon kay preparasyon man gud ni siya kung unsay mahitabo, kay tungod ang earthquake drill mao ni siya ang atong muscle memory kung adunay linog nga mahitabo. Dapat matag miyembro sa panimalay makabalo siya kung unsay himuon kung adunay linog,” sumala niini.
Nagpahimangno usab kini sa publiko nga mamahimong responsible sa pagtunol og impormasyon ilabina mahitungod sa linog o tsunami aron dili kini mamahimong hinungdan sa pagpanic sa publiko.
Giawhag ni Baluran ang katawhan nga maminaw lang sa mga awtoridad o balita sa mga media outlets.
RadyoMaN Aimee Guinita
