TACLOBAN CITY – Dire lakip an Eastern Visayas han mga natagan han dengue vaccine nga gindistribwer han Department Of Health dida han nakalabay nga tuig 2016. An vaccine nga dengvaxia in gindistribwer ha 730,000 nga mga estudyante ha Public School nga nag-eedad 9 tipa igaw ha tulo nga Endemic regions han Region 3, 4-A ngan NCR.
Ha ginbuhat nga analysis han France based manufacturer Sanofi Pasteur, may malain nga epekto an vaccine ha mga tawo nga diri pa nag-kakadengue.
Sumala kan Ching Janitilla, Health Education and Promotion Officer, ira ginkakabarak-an an mga natagan han mao nga vaccine ha mga pribado nga ospital.
Napamatud-an gihapon ha analysis nga diri karuyag sidngon nga naturukan han mao nga vaccine in magiging talwas na hiya ha sakit nga dengue sanglit sagdon han DOH ha mga kag-anak nga likyan laanay an pagpaturok han dengue vaccine ilabi na ha mga pribado nga ospital.
