Davao City – Andam ang Eastern Mindanao Command og responders team ngadto sa mga lugar sa Luzon nga gilampornas ni Bagyon Ompong sa miaging semana.
Segun ni EastMinCom Spokesperson Major Ezra Balagtey nga nakaandam kanunay ang ilang engineering brigade nga ipadala sa Luzon kung gikinahanglan aron mutabang sa mga lugar nga giigo ni Ompong.
Segun ni Balagtey nga magpaabot lang sila og direktiba gikan sa headquarters kung kinahanglan ang ayuda EastMinCom apan sa karon wala pa kinahanglana ang ilang presensiya sa mao nga mga lugar.
Gipasabot pa sa opisyal, ang tanang lakang pagahimoon sama sa pagpadala og responders sa mga lugar nga nagkinahanglan og tabang magdepende kini sa rapid damage assessment sa National Disaster Risk Reduction Management Council kung diin sakop ang EastMinCom.
Gitin-aw sa tigpamaba nga wala pa sila nakapadala og responders team sa Luzon area hangtud karong panahona.
RadyoMaN Joel Viray
