Eastmincom misuporta sa localized peace talks

17

Davao City – Gipaluyuhan sa Eastern Mindanao Command ang tinguha karon ni DILG Secretary Eduardo Año ug ni National Defense Secretary Delfin Lorenzana nga matigayon ang hinabing pangkalinaw sa local level.

Alayon ani, gipaabot na lang sa Eastmincom ang go signal gikan kang Año ug Lorenzana kanus-a sugdan ang peace talk sa matag lokalidad aron temporaryong hunungon ang combat operation batok sa teroristang CPP-NPA-NDFP.

Nasayran nga mismo ang Eastmincom midasig sa matag lokal nga kagamhanan nga ubos sa ilang area of responsibility nga adaptahon ang ideya nga localized peace talks.

Ug tungod ani, gihagit ni Eastmincom Spokesperson Major Ezra Balagtey ang teroristang CPP-NPA-NDFP nga sanungon ang hinabing pangkalinaw nga ilusad sa matag lokal nga kagamhanan.

Giingon ni Eastmincom Commander Major General Benjamin Madrigal nga magpadayon ang ilang outreach program sa mga kabarangayan samtang pagahisgutanan ang hinabing pangkalinaw sa mga local government unit.

Una nang gisuportahan sa Hugpong ng Pagbabago Party ubos sa pagpango ni Mayor Inday Sara Duterte-Carpio ang localized peace talk uban sa CPP-NPA-NDFP.

RadyoMaN Joel Viray

Facebook Comments