Davao City- Gipaniguro sa Eastern Mindanao Command nga dili musupak sa balaod ang kasundaluhan sa paglusad og operasyon batok CPP-NPA-NDF oras opisyal na sila madeklara nga teroristang grupo.
Sumala ni Eastmincom Spokesperson Major Ezra Balagtey nga nagtamod sa tawhanong katungod ang kasundaluhan busa ilang sundon ug masubay sa balaod ang ilunsad paglutos sa mga sakop sa CPP-NPA-NDF bisan og maila na ang maong pundok nga terorista.
Gipasabot ni Balagtey nga bisan og terorista ang binuhatan sa mga sakop sa CPP-NPA-NDF apan dili malilong ang kamatooran nga naglatay sa kaugatan sa mga NPA ang dugong Pilipino.
Sa karon, nag-agad na lang ang Eastmincom sa EO nga ipagawas sa Pamuno-Nasud sa EO nga magbutang sa CPP-NPA-NDF isip teroristang grupo ug dinha pa masuta ang sunod nga lakang batok sa mga NPA.
RadyoMan Joel Viray
