Davao City – Adunay redeployment ang Eastern Mindanao Command depende sa security plan nga mamugna sa security sector bahin sa ika-33rd Kadayawan festival sa syudad sa Davao karong umaabot nga bulan sa Agosto.
Kini ang giingon ni EASTMINCOM spokesperson Major Ezra Balagtey subay sa giingong pagkonsidera sa Davao City gov’t sa mga ISIS inspired group nga bantayan basin og musiaw atol sa selebrasyon.
Dugang niya nga padayon ang ilang koordinasyon sa Western Mindanao Command bahin sa ilang intelligence monitoring aron masigurong dili malutsan sa terorismo ang syudad ingon man ang Eastern Mindanao.
Matud ni Balagtey nga padayon nilang ginapahigayon ang ilang mechanism plan, mga programa ug aktibidad sa pagpugong nga muhimo og kasamok sa Eastern Mindanao ang mga teroristang grupo.
RadyoMaN Renz Barbarona
