Davao City – Suportado sa Eastern Mindanao Command (Eastmincom) ang programa sa kasamtangang administrasyon sa pagkab-ot sa kalinaw dinhi sa Pilipinas.
Sumala ni Major Ezra Balagtey, eastmincom spokesperson nga ang pagkab-ot sa kalinaw usab ang ilang ginapaglaban ug ginatrabaho.
Dugang ni Balagtey nga ang nahimong desisyon ni Presidente Rodrigo Duterte sa pagbalik sa hinabing pangkalinaw tali gobyerno sa Pilipinas ug CPP-NPA-NDF, nagpamatuod lang sa ka-sincero niini nga makab-ot ang kalinaw.
Kauban matud pa sa Presidente ang eastmincom sa panawagan ngadto sa pikas pundok nga magpakita og sinceridad ug sa pagsunod sa mga kondisyon aron mahimong hapsay ug mapadayon na ang peacetalks.
Sa karon, magpadayon ang tropa sa gobyerno sa ilang mandato nga protektahan gikan sa bisan unsang hulga ang katawhan apan sa dili usab pagpasagad sa tawhanong katungod.
RadyoMaN Renz Barbarona
