Sa interview sa DXDC RMN Davao kang Police Major Rosario Aguilar, Station Commander sa Ecoland Police Station nga malampusong napalitan ang suspek nga si alyas Ronel og usa ka sachet nga dunay sulod pinaugang dahon sa marijuana.
Segun ni Aguilar imbes nga motahan sa kaugalingon ang suspek kalit nga nibunot sa iyang armas og dayon pusil sa mga pulis apan abtik nibawos ang mga awtoridad sa pag dipensa sa ilang kaugalingon.
Narecover gikan sa posisyon sa suspek ang usa ka touch screen nga cellphone nga maoy gigamit sa illegal nga transaksyon ug mga illegal nga droga.
Gidugang ni Aguilar nga ilang ginatutukan pa ang dugang background ug kung duna bay kaso o nagreklamo batok sa suspek.
“Actually nagpahigayon ‘ta ug buy bust operation tapos kining tawhana notado na pod ni,naay dala dalang pusil kung asa sya mo estambay. Pagkabalo niya nga police ang iyang ka transaksyon, imbes nga boluntaryo sya magsurender, nag aggression siya. Siya ang nagpabuto sa atong kapulisan,” saysay ni Aguilar.
RadyoMaN Don Pulayao
