Davao City – Gikustodiya na sa Ecoland Police Station ang suspect nga nailing si Budz Dela Cruz, hingkod ang edad ang mipusil patay sa usa ka Aurel Joy Baucan 41 anyos, lumad taga Poblacion, Caraga Davao Oriental nahitabo ang pagpamusil alas 9:40 sa buntag Nobyembre 2, 2023 sa Davao Executive Homes ning dakbayan.
Sa interview sa DXDC RMN Davao kang Police Major Noel Villahermosa, Hepe sa Ecoland Police Station gibutyag niini nga padayon ang gihimong imbestigasyon sa iyang imbestigador sa pagkakaron blanko pa ang motibo sa pagpusil sa biktima.
Segun ni Villahermosa, ang suspetsado posibleng mag-atubang og kasong kalapasan sa RA 10591 illegal Possission of Firearms and Ammunition, kalapasan sa Gun Ban og Omnibus Electrion Code.
Nakuha sab sa kapulisan ang 9 mm nga pistola nga gigamit sa suspect sa pagpusil sa biktima.
Ang patay’ng lawas sa biktima gidala na sa Villa Funeral Homes Toril og gipaningkamotan usab sa DXDC News Team nga mahinabi ang pamilya sa biktima apan midumili pa sa paghatag og pamahayag.
RadyoMaN Don Pulayao
Facebook Comments
