Davao City – Mas pahugtan ang seguridad nga ipatuman sa Ecoland Police Station sa ilang area of responsibility (AOR) sugod karong adlawa Oktubre 19, 2023 sa kampanya sa mga kandidato sa Barangay and Sangguniang Kabataan Election (BSKE) 2023.
Sa pakighinabi sa DXDC RMN Davao kang Police Captain Ronnie Batingal Deputy Chief sa Ecoland Police Station gisulti niya, adunay usa ka team sa kapulisan nga i-deploy aron bantayan ang mga aktibidad o programa sa mga kandidato panahon sa campaign period.
Dugang ni Batingal, adunay unom ka polling precinct sa ilang area nga bantayan gikan sa pagsugod sa eleksyon hangtud sa pagkatapus sa counting aron maseguro ang kalinaw.
‘Pag-abot sa ballot sa box sa mga schools naa nay pulis nakabantay or before pa hangtud pag retrieval mahuman ang counting”,sulti ni Batingal.
Subling nagpahimangno ang opisyal, sa mga botante nga gidili ang pagdala ug mga bleaded weapon ug armas, subay sa gipatuman nga gun ban sa adlaw sa piniliay.
RadyoMaN Don Pulayao
Facebook Comments
