Davao City – Gilugwayan sa City Government of Davao, ang Enhanced Community Quarantine (ECQ) hangtod Mayo 15, inay Modified Community Quarantine (MCQ). Segun ni Davao City Mayor Sara Duterte, subay kini sa mando sa Malacañang tungod kay ang syudad sa Davao anaa sa mga high risk areas sa nasod.
“We cannot go on ( Modified Community Quarantine) MCQ on Monday. We cannot go against the classification of the national government sa area kay nag-depend pud ang assistance sa ilahang classification,”
Walay mabag-o ug magpadayon, ang mga guidelines ilawom sa Extended ECQ diin wala gihapo’y mass transportation ug magpadayon ang work from home sa gobyerno ug pribadong sektor. Ang Davao del Norte ug Davao de Oro nga anaa usab sa mga high risk areas sa Covid-19 gilugwayan usab ang ilang ECQ hangtud Mayo 15.
“Ang naay ECQ, Davao del Norte, Davao de Oro, Davao City. Ginahulat pa nato ang desisyon sa Davao del Sur, Davao Occidental, sa Davao Oriental kung mag General Community Quarantine o ipadayon nila tong Modified Community Quarantine,”
Padayong panawagan sa Mayor sa tanan nga magpundo sa balay ug kung mamalit sa mga pagkaon kadtong dili dayon madaot.
“Mag remind lang ko sa tanan nga ang success sa atong ECQ dili pa nato masulti or makita nato karon, it will depend sa inyong compliance. So kung mag sigeg gyud mo og gawas, mag sige gihapon na magkatag ang kagaw because dunay mga tao na asymptomatic– carrier sila. Ug dunay mga tao nga very mild ang ilahang symptoms. Di sila maka sulti nga duna silay sakit. Di sila maksulti nga Covid-19 siya nga sakit,” sumala niini.
RadyoMan Aimee Guinita
