Edad dili babag kung mubalik man pagka-mayor sa Davao si Digong

Davao City- Dili mamahimong babag ang edad ni kanhi Presidente Rodrigo Duterte kung
mubalik man kini sa pagka-Mayor sa Davao.

Kini matud kang 1st District Councilor ug Liga ng mga Barangay President Edgar Ibuyan Sr.

Segun sa konsehal daghan pang mahitabo sa unahan ug layo pa ang musunod nga National and Local Elections.

Suportado niini kung unsa man ang desisyon sa kanhi Presidente kay sulod sa 34 ka tuig niya sa pulitika, nakita niya ang mga Duterte nga maayo ang pagdumala sa syudad.

Matud niini kung naa may pamahayag si FPRRD nga dili niini padaganon sa pagka-Presidente sa nasud si Vice President Sara Duterte o siya ang mudagan inay si Sebastian Duterte pagka-mayor angay nila kining lingkuran isip magpamilya.

Nagtoo si Ibuyan kung gitawag ka man sa kapalaran sa usa ka posisyon para gayod na sa imo ug walay bisan kinsa mang makapugong niini.

RadyoMaN Aimee Guinita