Davao City – Giklaro sa Tagum PNP nga ang pito ka bulan nga bata ang nasunog-patay sa miulbong kalayo sulod sa usa ka balay sa Purok 9, San Miguel, Tagum City bandang alas 3:59 kagahapon sa hapon ug dili ang usa ka tuig nga igsuon niini.
Sa interview sa DXDC RMN Davao sa Tagum PNP, na-trap sa sulod sa balay ang pito ka bulan nga bata hinungdan nga wala na kini natabang og luwas pa samtang ang tulo ka igsuon niini daling narescue sa mga silingan.
“Mao to ang naapil sa sunog, 7 mos. old unya naa siyay tulo nga igsuon, 4 yrs. old , 2 ug 1 yr. old” sigun sa personahe sa Tagum PNP.
Sa imbestigasyon sa Tagum PNP, milakaw matud pa ang amahan sa mga bata nga si alyas Ryan aron mupalit og tambal apan naugdaw na ang ilang balay sa dihang mibalik siya.
Kahinumduman nga kagahapong adlawa, sa post sa facebook sa Brgy. Kagawad sa San Miguel nga si Limbago Canizares Stephen Jefferson, makita ang pagkaugdaw sa usa ka balay diin asa na-trap ang bata.
Padayon pa usab nga ginasuta sa otoridad ang hinungdan sa sunog samtang ang patayng lawas sa bata gipahiluna na sa duol nga punerarya sa nasangpit nga lugar.
RadyoMaN Renz Barbarona
