Sumala ni Police Major Jonnel Bonguyan, Eden Pnp Acting Chief, migawas sa ilang imbestigasyon nga dunay unom ka tawo ang nagbahis-bahis sa gibutangan sa ekipo ug dihang nakalugar gibuhosan kini og makasunog nga likido hangtud misilaob kini.
Suma ni Bonguyan nga paspas misibat ang mga suspek human sa pagdabdab sa backhoe nga midanyos og 1.7 milyones ka pesos, ug problema karon sa mga imbistigador kay walay nakakita sa pagsunog busa naglisod ang mga otoridad sa pag-ila sa mga suspek hilabi na nga dulom ang palibot sa hitaboan.
Wala pa ma-establisar sa kapulisan ang motibo sa pagpanunog sanglit gikanayon sa tag-iya sa backhoe nga wala sila’y nadawat suwat pagpangilkil gikan sa partikular nga grupo ni gikan sa mga Teroristang CPP NPA NDF.
Apan gibutyag sa opisyal nga base sa ilang pagduki dili nasuta nga dunay tribu ug mga migrante sa lugar sa hitaboan ang nagkabikil diin gisupak sa katawhan ang paglambo sa dalan sa Purok 1, Catigan, ug tungod ani usa sa sentro sa imbistigasyon karon mao ang pagbabag sa komunidad nga ayuhon ang dalan sa maong lugar.
RadyoMaN Joel Viray
