ZAMBOANGA CITY– Visible el incomparable alegria na cara di Edmond Ramos el tiempo yan hunto le otravez consu familia despues el serca un mes le y su tres compaƱero ya esta na mano del Abu Sayyaf na Sulu.
Con Ramos ya presenta na prensa el alcalde del ciudad Honorable Beng Climaco-Salazar y el Task Force Basilan commander Col. Juvymax Uy enante na City Hall durante el press briefing.
Si Ramos ya habla ya puede le escapa desde consu maga cautor del Domingo por la noche y ya empesa este camina que camina hasta ya encontra conele el un informante del militar.
Porcausa nohay sila confiansa con quine sila atraca na Sulu, el militray informant ya manda munta na pumpboat con Ramos y ya navega estos para na Basilan donde ya llega sila na barangay Tapiantana, Tabuanlasa y alya canila ya encontra el maga soldao.
Si Ramos ya habla despues ya puede escapa el disuyu tres compaƱera del Huevez, ya plania tambien le para escapa hasta ya consigui este del Domingo denoche.
Egual con canda Larry Velasquez, Jenly Miranda, Felimon Guerrero, Jayson Baylosis, y Joel Adanza, alegre ya ta man hunto consu familia na barangay Tumaga. — Dan Toribio
