Davao City – Panahon na nga pangayoan og credentials sa edukasyon ang tanang buot musalmot sa Barangay ug Sangguniang Kabataan (SK) elections sa taliabot nga Mayo 14 ning kasamtangang tuig.
Gibutyag ni former Barangay Captain Robert Olan-olan sa 76-A nga sakto lang nga pangitaan kun pasumitehon og educational credentials ang tanang mudagan sa eleksyon isip kabahin sa mga rekwisitos sa Barangay ug SK elections karong buwan sa Mayo.
Suma sa kanhi kapitan, ang trabaho sa mga barangay opisyal mao ang pagpatuman sa balaud ug uban pa busa dapat lang edukado ang mabutang sa katungdanan aron mahimo kining tanan.
Gibasura ni Olan-olan ang katarungan sa uban nga diskriminasyon ang pagsuta sa educational attainment sa mga aspiring candidates antes pa sila tugtang makadagan sa bugnong lugaynon karong Mayo.
Depensa pa sa kanhi opisyal nga nagkataas ang kahimatngon sa katawhan karon busa dapat lang pod propesyonal ug dunay saktong edukasyon ang mabutang sa katungdanan.
Gipadayag ni Olan-Olan ang iyang kasinatian nga sa gidugayon sa iyang pagserbisyo sa Brgy. 76-A honorarium ra gyod intawon ang iyang nadawat.
Ug gawas pa niini, wala sa’y benepisyo dihang hingpit kini napulihan gikan sa pagka-kapitan.
Busa pabor si Olan-Olan nga hatagan og regular salary ang mga opisyal sa mga barangay tungod sa kadaku sa ilang trabaho ug obligasyon sa katawhan.
RadyoMaN Joel Viray
