Edukasyon: Yawe sa plastic ban drive

Davao City – Usa ka maayong lakang ang gitinguha karon ni Pres. Rodrigo Duterte nga hingpit nang idili kun i-ban sa tibuok nasud ang paggamit sa single-use plastics.

Sumala ni Kinaiyahan Foundation Executive Director Betty Cabazares, unang himoon mao ang pag-edukar sa mga tawo pinaagi sa pagpasabot kanila sa hustong tumong niini ug magsugod kini diha sa mga gagmay lang una sama sa sachets.

Matud ni Cabazares, lisud kining himoon tungod kay nagkinahanglan kini sa mas taas-taas nga panahon diha sa paigong pagpasabot ngadto sa mga tawo sa urgency niini aron aktibo ug boluntaryong mo-partisipar ang tawo sa maong kampanya.


Dugang pa ni Cabazares nga usa sa mga hagit ning maong educational program mao ang pagpa-aware sa katawhan sa importansya nganong angay na gayung undangon nato ang dependence kun pagsandig diha sa pag-utilisar nato sa plastics matag adlaw’ng tanan.

RadyoMan Bernard Pantallon

Facebook Comments