Roxas City, Capiz – Gin-utdan sang access sang Google kag Android ang isa sa “leading mobile phone manufacturers” sa kalibutan nga Huawei.
Ini ang bangud sa padayon nga pagkadalahig sang amo nga kompanya sa kontrobersiya angut sa gina-alegar pagpang-espiya.
Suno sa Reuters, *“Huawei Technologies Co Ltd will immediately lose access to updates to the Android operating system, and the next version of its smartphones outside of China will also lose access to popular applications and services including the Google Play Store and Gmail app,”*
Ini matapos ang nangin mando sang Trump administration sang nagligad nga semana nga i-ban ang Huawei sa America.
Samtang ang nabilin nga access lamang sang Huwaei amu ang mga public version sang Android.
Madumdoman nga una na nga ginlakip sang US Commerce Department ang Huwaei sa “Entity List” okun listahan sang mga kumpanya nga wala ginatugotan nga magbakal sang teknolohiya sa mga US company nga wala sang approval sang gobyerno.
