EGYPTIAN YA FUEDE ARESTA NA PANTALAN LOCAL

Un Egyptian national el con quien ya agara el otoridad enantes aga na pantalan local desfues este munta na un fastcraft encamino para na provincia de Basilan.
Asegun na report ya recivi el RMN Zamboanga, banda 6:30am enantes aga,el mga perasonajes del Philippine Coast Guard Zamboanga Station que ta emcaveza si L/Cdr Alvin Dagalea ta conduci el mandatory Pre Departure Inspection (MPDI) abordo na WEESAM Express encamino para na Isabela City Basilan cuando ya fuede sila man- intercept con el un Egyptian.
Si Lt/Cdr Dagalea ya identifica con el suspechao como si Moed Shabaan Abdelaziz. Base na records del su pasaporte, si Abdelaziz ya entra na paiz pormedio del NAIA del Febrero 12, 2017 y valido el su estada aqui na paiz hasta na periodo lang de April 12, 2017,rason para aresta conele el otoridad.
Si Dagalea ya coordina ya con el ahensya de Imigraccion y na Interpol por el verificaccion del personal records del mensyonao estranghero.-Bhong Simbajon/RMN News