Davao City – Gipanawagan karon sa Muslim community sa National Commission on Muslim Filipino (NCMF) nga mapaabot sa gobyerno ang pagpahigayon sa mga Muslim sa ilang “Sambayang” kun Muslim prayer atol sa Eid Al-Fitr kun pagtapos sa Ramadan karong tuiga luyo sa Coronavirus Disease 2019 (COVID-19).
Sa interbyu sa DXDC RMN Davao kang Davao City Barangay 23-C kapitan Alimudin “Wating” Usman, gibutyag niini nga aduna na silay mga plano karong semanaha sa pagtapos sa Ramadan.
“Mag sighting ta (sa bulan) karong Saturday or Friday kung makit-an ang buwan. Unya, pwede ta mangundang karong Sabado ug magsimba og Dominggo,” saysay ni Usman.
Nanghinaut si Usman nga matugutan sila nga makapahigayon sa maong bililhong aktibidad sa mga Muslim ug ipatuman lamang ang mga protocols aron kalikayan ang COVID-19.
“Kung pwede nga naa man lang. Kung matugtan ta sa gobyerno nga mga Sambayang ta ug Eid Al-Fitr, i-kuan lang nato ang social distancing. Hinaut unta nga madungog ni sa nagadumala sa NCMF,” panawagan ni Usman.
RadyoMaN Kirby Manzon
