EJK dili gihapon ma-undang bisan og PDEA na ang manguna sa drug war

Davao City- Mas maayo gibalik na sa Philippine Drug Enforcement Agency ang drug war aron matuldukan na ang isyu sa Extra Judicial Killings (EJK) nga giakusa sa mga kritiko ni Pangulong Rodrigo Duterte ug sa PNP.

Dungan niini ang pagsalsal sa ang mga ginsakpan sa PDEA aron walay madani sa sindikato sa droga sanglit mahinungdanon kaayo nga masalbar ang PNP gikan sa mga scalawags nga apil sa EJK.

Matud ni World Vision Coordinator Dr. Venj Firmalino, lisod isulti kung kaya ba danihon o dili ang PDEA sa drug syndicate karon sila na ang gitahasan ni PRRD sa drug war human gikuha gikan sa PNP.


Alang kang Dr. Firmalino, sakto lang daw ang lakang sa Pangulo nga gitugyan pag-usab sa PDEA ang tanan nga katungod sa paglampurnas sa mga tawo nga nalambigit sa iligal nga droga.

Mapapas na kuno unya ang katahap sa mga kritiko nga gipaluyohan sa gobyerno ug sa PNP ang EJK.

Gawas niini, mas maka-focus ang PDEA sa giyera sa droga kay mao man lang kini ang ilang trabaho diin ang PNP gihan-ukan og daghanang gimbuhaton.

Sumala ni World Vision Coordinator Dr. Venj Firmalino nga dili garantiya nga walay EJK karon nga anaa na sa PDEA ang drug war kay posible sa laing aspeto sa trabaho sa mga pulis makapatay gihapon sila ug labaw na kung musukol ang mga kriminal nga ilang sikopon.

RadyoMan Joel Viray

Facebook Comments