Davao City – Padayon pang gina-imbestigahan sa Police Regional Office kun PRO XI ang laing insidente na usab sa pagpanunog og ekipo sa Sitio Banualay Brgy. Palma Gil Talaingod Davao del Norte kagahapon sa alas 10 sa buntag.
Base sa spot report gikan sa PRO XI, mipatim-aw sa police station sa Davao del Norte ang nagpailang si Engineer Florante Ferraren, project Engr. Sa Ulticon Builders Incorporated (UBI) ug mireport nga usa ka unit sa backhoe ang gisunog sa gituohang local communist terrorist sa nasangpit nga lugar.
Sa pagdawat sa maong impormasyon, daling giberipika sa kapulisan ang maong report ug sa inisyal nga pagsuta ug sa ilang pakighinabi sa nagpailang Leo Bustamante, forman sa UBI ug saksi sa maong insidente nga alas 10 kagahapon sa buntag, adunay pito sumala pa ka mga armadong tawo ang miduol kanila og miingon kanila nga dili lang mahadlok ug mangayo lang sila og gamay apan matud pa nagdumili sila paghatag sa gipangayo sa mga armadong tawo hinungdan nga gisunog nila ang usa ka unit sa backhoe ug mibiya sa area.
RadyoMaN Renz Barbarona
