Davao City – Giposasan sulod sa Hall of Justice ang pekeng abogado atol sa joint operation sa Davao City Anti-Scam Unit ug National Bureau of Investigation XI.
Giila ang suspek nga si Wilhelmo Romena taga-Blk 5 Lot 2 Azul St., Dacoville Subd. Dumoy Toril, Davao City.
Atol sa interbyu sa RMN Davao kang Anti Scam Unit Head Simplicio Sagarino nangabugar matud pa ang suspek og nagpabayad kini’g acceptance fee sa P300,000.
Sumala ni Sagarino base sa report sa kliyente nga nagduda na kini kay wala matud pa nagapakita ang suspek kung adunay hearing sa korte.
“Na found-out nato nga dili siya lawyer kay nag-coordinate ta sa IBP Davao nitan-aw ko sa Roll of Attorney wala siya didto, ni-refer pod ta sa Supreme Court nga dili gyod ni siya abogado,” matud ni Sagarino.
Gikasa sa mga operatiba ang entrapment operasyon sa giingong pekeng abogado ug atol sa pagtunol sa P300,000 nga kwarta kaniya dayon kining giaresto.
Priso ang suspek karon sa NBI detention facility.
RadyoMaN Aimee Guinita
