Labangan, Zamboanga del Sur – Gigisa sa pangutana ang mga driver sa duha ka ekwipo human kining nasapnan nga nihimo sa iligal nga pagpang-quarry sa sa suba nga nahimutang sa Brgy. Sta. Cruz, Labangan Zamboanga Del Sur ala 1:00 sa udto kagahapon.
Nangunay mismo ang mayor sa lungsod sa Labangan nga si Eduardo Relacion, nga deputized matud pa by Mines and Geosciences Bureau (MGB) uban ang kapulisan sa maong lungsod nga gipangunahan ni PI Fernando Osayan Ordeniza.
Nakumpiska ang duha ka Heavy Equipment nga gilangkuban sa, usa ka unit Backhoe ug usa ka unit sa Dump Truck.
Ang nakumpiska nga ekwipo nga Backhoe color orange, gipanag-iyahan sumala pa ni Pagadian City Councilor Ricardo Alajeño, ug ang laing Dump Truck gipanag-iyahan ni Eldy “Nick” Sobrado residente sa Patag, Zone 1, Cagayan de Oro City.
Nagkapuliki pagtubag sa mga pangutana ang duha ka driver nga sila si WILBER LABADOR NIEZ, 31 anyos residente sa Prk. Makiangayon, Balangasan, Pagadian City ug ROGELIO NAGAL MUTIA JR., 49 anyos, lumulupyo sa Lot 23, Blk 13, Alta Tierra Napolan, Pagadian City.
Gipapa-uli ra usab ang mga ekwipo nga gimaneho sa nahisgutan nga mga driver pipila ka oras ang nakalabay.
