EL NIÑO PHENOMENON, NAGTUGA NA SANG MASOBRA 3 BILLION PESOS NGA HALIT SA PROBINSYA SANG ILOILO.

Naglab-ot na sa masobra 3 billion pesos ang kahalitan sa kaumhan sa probinsya sang Iloilo tuga sang El NiƱo phenomenon.
Ini matapos ang ginhimo nga validation sang Provincial Agriculture Office ukon APO sa mga kabanwahanan sa probinsya nga nahalitan sang tuman nga tig-ilinit.
Base sa validation report sang APO, naglab-ot sa 3.1 billion pesos ang tuga nga kahalitan sang tuman nga tig-ilinit kon sa diin masobra 27 mil ka mga mangunguma ang apektado.
Ginpahayag ni provincial Agriculturist Ildefonso Toledo nga ila gin-validate ang mga mangunguma nga nakapananum sang humay kag iban pa nga kararuton humalin sang Oktubre 2018 tubtub Marso 2019 kon sa diin kapin sa 28 mil ka ektarya sang humayan ang naapektuhan.
magluwas sa humayan, apektado man ang masobra 4 mil ka ektarya sang mga maisan kon sa diin apektado diri ang 3,735 ka mga manugtanum sang mais.

Facebook Comments