Davao City- Gihatagan og tulo ka semana gikan sa eleksyon niadtong Oktobre 30 sa Department of Interior and Local Government (DILG) ang mga nidaog sa Barangay and Sangguniang Kabataan Elections nga makalingkod na sa Barangay.
Sumala ni Alex Roldan, DILG 11 Regional Director, kinahanglang nga sa Nobyembre 20,2023 ang mga elected officials hingpit na nga maka-assume sa pwesto.
Matud kang Roldan nagpanaog na sila’g kamanduan sa mga munisipyo niadtong Hunyo nga dapat adunay transition teams nga muasister para sa han-ay nga proseso.
Gipasabot ni Roldan, dili makaarangkada ang bag-ong mga Barangay Officials kung walay saktong pag-turnover sa mga pondo ug mamili pa usab og bag-ong sekretarya ug treasurer.
Sa datos sa DILG 11, sa 1162 ka mga barangays sa entero Davao Region, 541 ang bag-ong mga na-elect nga Kapitan, 610 ang re-elected samtang 11 ang subling nakabalik sa pwesto.
RadyoMaN Aimee Guinita
Facebook Comments
