Roxas City, Capiz – Naproklamar na kaina sang Comelec sa Hall of Governors sa provincial capitol si incumbent Vice Governor Nonoy Contreras matapos nga napilian ini bilang gobernador sang Capiz.
Nakakuha ini sang kabug-osan nga 161, 475 votes kun ikumparar sa kasumpong nga si incumber Governor Antonio del Rosario nga nakakuha lamang sang 143, 809 nga boto.
Ang proklamasyon ni Contreras ang gintambungan sang mga abyan kag pamilya sini kun sa diin ang chairman sang provincial board of canvassers(PBOC) nga si Atty Tomas Valera amo naman ang nagproklamar sa iya.
Maluwas kay Contreras naproklamar naman ang mga nagdaog nga congressman sa duha ka distrito sang Capiz nga sanday 1st district representative Emmanuel Billones Sr. subong man si 2nd district representative kag Majority Floor Leader Fredenil Castro kaupod ang napulo ka board members nga nagarepresentar sa duha ka distrito sang probinsya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
