Davao City – Walay angay kabalak-an kalabotan sa seguridad sa Brgy. 23-C subay sa nagpadayong Brgy. ug SK elections karong adlawa, Mayo 14.
Kini ang gibutyag ni Davao City Police Office kun DCPO director PSSupt. Alexander Tagum atol sa iyang gihimong monitoring sa mga polling precints sa syudad sa Davao.
Matud niya nga upat ka Special Weapons and Tactics (Swat) team sa DCPO ang gideploy sa maong lugar gani aduna usab tank nga gipangmungtar gikan sa TaskForce Davao diin sumala pa giabante lang ang resources aron masiguro ang seguridad sa lugar.
“We will not allow armed individual nga maghimo og kasamok sa lugar, init kayo sila kay tanan gusto madaog, walay magpapildi” sigun ni Tagum.
Kahinumduman nga miulbo ang kagubot sa nasangpit nga brgy. niadtong Sabado sa gabii tali sa duha ka kampo nga midagan pagkaopisyal.
Gawas sa Brgy. 23-C, padayong ginamonitor sa kapulisan ang ubang areas sa syudad ilabi na ang mga brgy. nga ubos sa Election Watchlist Areas (EWAS).
RadyoMaN Renz Barbarona
