Davao City – Gidasig karon ni Commission on Election (COMELEC) Spokesperson Atty. James Jimenez ang katawhan nga dili magpanuko sa pag-file ug formal complaints kontra sa mga namalit kun nag-solicit ug boto sa eleksyon karong adlawa.
Matud ni Jimenez, dili pwedeng kutob na lamang ang tawo sa pagreklamo diha sa social media pananglitan sa Facebook o sa Twitter apan maaksyunan lamang kining tanan kung adunay formal complaints nga isang-at diha sa mga local election officers.
Sa pikas bahin, nasayran nga wala makahimo sa pagbotar si Pres. Rodrigo Duterte sa iyang presinto sa may Daniel R. Aguinaldo National High School (DRANHS) sa wala pa masayring rason.
Kun atong kahinumdoman, vocal kaayo ang pamuno-nasud kontra sa synchronized elections sa katarongan nga nabalaka kini sa posibleng kadaugan sa mga kandidatong gipadagan gamit ang narco kun drug money.
Nasayran nga ang counting sa individual precints didto mosangko sa mga Barangay Board of Canvassers kinsa maoy mag-consolidate sa tanang mga election returns ug diin himoon usab ang official proclamation of winners.
RadyoMaN June Duterte
