ELECTION 2019 | COMELEC, ginapreparahan na ang pag-implementar sang election gun ban kag pagpatigayon sang police checkpoint!

52

Roxas City, Capiz – Ginapreparahan na sa subong sang Provincial Comelec Office ang pagpatigayon sang mga Comelec checkpoint kadungan sang pag-implementar sang total gun ban nga maga-umpisa na sa Enero 13, 2019.
May kaangut sini liwat nga nagpahanumdom si Provincial Elections Supervisor Atty. Wil Arceño nga ang lehitimo nga checkpoint ang may yara sang signage kun sa diin maathag nga nakabutang ang pangalan sang PNP kag COMELEC, ginapamunoan sang isa ka police officer kag dapat nakauniporme ang mga naga-conduct sini.
Dugang ni Arceño, hugot nga ginabawal ang pag-upod sang mga barangay tanod sa mga nagapatigayon sang checkpoint kag ini ang para gid lamang sa mga PNP personnel.
May kaangot sini, pagalaoman nga maga-angkon sang simultaneous COMELEC checkpoint sa bilog nga Pilipinas sa gab-e sang Enero 13 nga amo ang pagsugod sang election gun ban.
Nahibaloan nga base sa calendar of activities sang COMELEC, maga-umpisa sa Enero 13, 2019 ang election period kag ini ang magatapos sa Hunyo 12, 2019.

Facebook Comments

From Advertisers