Usa ka hamtong nga lalaki niambak gikan sa 3rd Floor sa usa ka Mall nga nahimutang sa North Reclamation Area dakbayan sa Sugbo , mga alas 2:00 karong hapon.
Ang nagpakamatay mao si Rodrigo Delos Santos Maglasang ,45 anyos,ulitawo, lumad nga taga Palompon Leyte ug nagtrabaho isip Election Assistant sa lungsod sa Tuburan.
Matud sa igsoon nga lalaki ni Maglasang nga si Alvin, nga na depress ug adunay gihambin nga sakit ang iyang igsoon, apan wala siya magtuo nga magpakamatay kini.
Gihulagway ni Alvin ang biktima nga hilomon nga tawo ug dili hilig moestorya sa iyang problema.
Sa pagkakaron gipalawman pa sa Homicide Section sa Cebu City Police Office, ang imbistigasyon pagsuta kon unsay hinungdan sa pagka depress ug pagpakamatay ni Maglasang.
Facebook Comments
