Davao City – Nagapadayon ang background checking sa mga incumbent ingon man bag-ong mga personalidad nga magpapili sa umaabot nga May 2019 elections.
Sumala ni Police Regional Office (PRO-XI) Director P/BGen. Marcelo Morales, tumong nila nga mamahimong hapsay ug malinawon ang umaabot nga piniliay.
Gani gipahimangnoan ni Morales ang mga politiko kinsa nanag-iya og armas nga iparehistro kini ug mokuha og License to Own and Possess Firearms (LTOPF) ingon man dili na paaboton pa sa maong mga kandidato nga maglusad og police operations una pa kini malisensyahan.
“They can surrender their unlicensed firearm or they can deposit them sa mga police station for custody or safe keeping while processing ng kanilang mga documentary requirements para mapa-lisensiyahan ‘yon at makakuha rin sila ng license to own and possess firearm,” sugyot niini.
Dugang sa maong direktor nga nagapadayon ang aplikasyon sa mga kandidato sa paghupot og armas nunot sa pagpatuman sa Election Gun Ban samtang mamahimo usab sila murekomendar sa buot mangapply og Protective Private Security ilabi na sa mga adunay bahad sa kinabuhi.
RadyoMaN Jason Amisola
