Davao City- Andam na i-deploy ang gipormang Election Duty Batallion (Provisional) sa 10th Infantry Division Philippine Army para sa Barangay and Sangguniang Kabataan Election 2023.
Matud ni Major Mark Anthony Tito, 10ID spokesperson, i-reactivate ang maong batallion aron mutunol og election duties ug tasks para sa malinawon ug hapsay nga eleksyon karong Oktobre.
Sumala ni Tito, anaa sa 500 ka mga personahe kini gikan sa nagkadaiyang batallions sa 10ID.
Gikatakdang mag send-off ceremony sunod semana alang sa maong mga sundalo gitahasan nga mutabang sa pagbantay sa seguridad sa piniliay.
RadyoMaN Aimee Guinita
Facebook Comments
