Davao City – Sa tinguha nga hingpit pang bansayon ingon man i-equip ang kapasidad sa mga RMN broadcasters nga mag-cover sa nagkadaiyang mga highlights sa May 14, 2018 Synchronized Barangay & Sangguniang Kabataan Election (BSKE), gilusad karon sa RMN DXDC Davao ang una sa serye sa mga continuing media education and enhancement training sessions.
Ang forum nagdala sa tema nga ‘Media & Politics: Covering the May 14 Polls’ ug gitambongan sa tanang mga personahe sa Production ug Technical Departments aron hingpit nga mapangandaman ang mga rekwisitos alang sa mas komprehensibong coverage pinaagi sa mas lig-on nga klase sa broadcast reportage on the air tupad sa website updates sa maong aktibidad.
Nahimong Speaker mao si Atty. Arnold Abejaron, law professor sa Ateneo de Davao University (ADDU) College of Law kinsa nihatag sa iyang mga pointers kalabutan sa mga pertinenteng balaud-elektoral haron mas magiyahan ang mga tigbalita sa importanteng mga datos, inpormasyon o kasayuran niining taliabot nga political exercise.
Ang maong pagbansay tipik ug kabahin sa nagpadayong intensive manpower enhancement and continuing organizational development sa mga personahe sa RMN Davao diha sa nagkadaiyang mga kritikal nga tahas niini sa sosyedad.
RadyoMaN June Duterte
