Nagpahimangno si Police Col. Richard Verceles, Regional Civil Security Unit (RCSU ) 11 chief nga kutob nalang ang aplikasyon para sa gun ban exemption karong Agosto 27, 2023.
Sumala niini nga duha lang ka mga security escorts ang gitugotang maka-apply para sa exemption sa gun ba ug kinahanglan nga sakop kini sa Police Security Protection Group.
Ang Committee on the Ban on Firearms and Security Concerns (CBFSC) nagsugod og dawat og aplikasyon niadto pang Hunyo 5,2023.
Sa gipagulang Resolution No. 10918 sa Commission on Elections nakalatag ang rules and regulations sa ban diha sa pagdili sa pagdala, pag-transport og mga armas atol sa election period.
Full exemption base sa resolution ang itanyag alang sa Presidente sa Pilipinas, Vice President, Senador, House of Representatives Members, judges ug justices, Armed Forces of the Philippines (AFP) Chief of Staff, Major Service Commanders, Philippine National Police (PNP) Chief ug senior officers, Cabinet Secretaries, Undersecretaries, Ombudsman, Deputy Ombudsmen, state prosecutors ug mga Comelec officials.
RadyoMaN Aimee Guinita
