Election gun ban, ginpatuman na

Kadungan sa pagsugod sang pag-file sang Certificate of Candidacy (COC) subong nga adlaw, Abril 14, sugod naman ang gun ban sa bilog nga Pilipinas para sa nagahilapit nga Barangay kag Sangguniang Kabataan (SK) election.

Kanselado ang tanan nga permit to carry, mission order kag iban pa nga permiso sumugod subong nga adlaw.

Mga pulis, suldado kag security personnel nga may exemption kag naka-duty lang ang pahanugutan nga magdala sang armas.


Suno kay Commission on Elections (COMELEC) Spokesperson James Jimenez, magasugod man ang COMELEC checkpoint subong nga adlaw sang Sabado.

Dugang pa ni Jimenez, bawal ang paggamit sang mga bodyguard, pag-appoint sa ano man nga public position, kag paggamit sang mga government property labi na sa tion sang kampanya.

Kada kandidato, suno kay Jimenez, ang maga-gasto lang sang P5 kada botante sa lugar kun sa diin siya magapadalagan.

Kun sin-o man ang magalapas diri ang posible mapreso kag ma-disqualify ang kandidatura.

Ang maga-daog nga mga kandidato ang duha ka tuig lang nga magapungko asta sa madason nga eleksyon sa 2020. – RCSG / iFM Bacolod

Facebook Comments