Davao City – I-imposar na sugod karong Enero 13 hangtod Hunyo 12 sa Police Regional Office (PRO) XI ang gun ban para sa May 13, 2019 Midterm Elections.
Sumala ni PRO-XI spokesperson PCI Jason Baria nga atol sa pagsugod sa gun ban gidili na ang mga licensed gun owners nga magdala sa ilahang firearms gawas sa ilahang mga pinuy-anan.
Pahimangno sa kapulisan nga mamahimong muduol ang mga licensed gun owners sa Commission on Elections (Comelec) aron maka-apply sa exemption kung gikinahanglan.
Ug kadtong mga kandidatong adunay mga threats pweding muduol aron ma-assess ug maka-apply para sa security escorts gikan sa PNP Police Security and Protection Group.
Base sa Comelec Resolution Number 10429 ania ang mga gidili sugod sa election period karong Enero 13 adlawng Dominggo:
• Alteration of territory of a precinct or the establishment of a new precinct
• Transfer or movement of officers and employees in the civil service
• Bearing, carrying or transporting of firearms or other deadly weapons, unless authorized in writing by the Comelec
• Use of security personnel/bodyguards by candidates, unless authorized by the COMELEC
• Use of security personnel or bodyguards by candidates, unless authorized in writing by the COMELEC
Samtang, matud ni Baria nga adunay 43 ka mga lugar sa Davao Region ang gikonsiderang anaa sa election watchlist areas (EWAS).
Tulo ka mga lugar sa Davao del Sur ang anaa sa Category 1 o adunay history sa Intense Political Rivalry o Private Armed Groups, ang Malalag, Hagonoy ug Padada, anaa sa category 2 o adunay presenya sa mga New People’s Army ang Kiblawan, Magsaysay ug Matanao samtang category 3 o kumbinasyon sa duha ka kategorya ang Bansalan, Sta. Cruz ug Digos .
Samtang ang Davao City adunay pito ka mga areas nga anaa sa Category 2 nga mao ang Toril, Tugbok, Marilog, Baguio, Calinan, Paquibato ug Baguio District samtang adunay duha sa Davao Occidental nga mao ang Jose Abad Santos ug Malita.
Sa Davao del Norte gipailawom sa EWAS ang Brgy. Pandapan ug Brgy. San Agustin sa Tagum City, 20 ka mga barangay sa Panabo, lakip na sab ang Asuncion, Carmen, Kapalong, New Corella, San isisdro ug Talaingod.
Sa Davao Oriental parte usab ang Mati City, Lupon, Banay-banay, Gov. Generoso, Tarragona ug Manay samtang apil ang tibuok 11 ka mga munisipalidad sa Compostela Valley Province.
Matud ni Baria nga nagpadayon gihapon ang monitoring sa ilahang intelligence community sa maong nasangpit nga lugar kay aduna pay mga posibleng matalang kausaban hangtod na ngadto sa adlaw sa eleksyon.
RadyoMaN Aimee Guinita
