Davao City- Gipaklaro sa Commission on Elections (COMELEC) XI nga anaa lang sa mga election officers largo sa national central office ang listahan sa mga kandidatong nag-withdraw sa ilang kandidatora.
Sa interview sa DXDC RMN Davao kang Atty. Gay Enumerables, COMELEC XI Acting Regional Director, gibutyag niya nga wala man hinuon sila’y namatikdan nga niatras nga mga kandidato sa Davao Region.
Dugang pa nga daghan na ang natalang mga nagmasupakon sa balaod nga gipanday sa ilang buhatan alang sa hapsay nga pinilaay ug gilayong napadala na sa kaulohan ang rekomendasyon sa diskwalipikasyon alang sa mga malapason.
Panghinaut sa COMELEC nga magpadayon ang malinawon nga pagpangampanya ug wala’y election related incidents ang matala samtang nagapaduol ang Barangay and Sangguniang Kabataan Elections (BSKE) karong October 30, 2023.
RadyoMaN Ivy Parido
Facebook Comments
