Davao City – Subling nagpahinumdom karon ang Commission on Elections kun COMELEC XI bahin sa pagbotar karong local and midterm 2019 elections.
Sa pakighinabi sa DXDC RMN Davao kay COMELEX XI spokesperson Atty. Krisna Samantha Caballero, pipila sa mga election reminders mao ang pagsayo og botar nga magsugod alas 6 sa buntag aron makasigurong makaboto ayha mahuman alas 6 sa gabii karong May 13, 2019.
Dugang pahimangno niini mao ang paglikay nga magsul-ob og election t-shirts, pagpangapod-apod og sample ballots, pag-selfie sa balota o resibo, kinahanglan tarungon og shade, dili maghinobra sa pagboto gumikan mamahimong ma-invalid ang boto og masobra ang ihap sa kandidato sama sa senador nga kinahanglan dose ra ingon man usa lang usab ka parylist ang pilion.
Matud pa mas maayong mag-under vote kun dili kumpleto ang iboto nga mga kandidato inay mag over voting.
Gisugilon usab sa COMELEC spokesperson nga gidili ang sabong o bisan unsang sugal ingon man ang pagpalit og mga ilimnon karong May 12, 2019 alas 12 sa kadlawun subay sa ipatumang liquor ban usa ka adlaw ayha ang adlaw sa piniliay.
Samtang gipahinumduman niini ang mga wala nakaboto sa miaging national election nga kinahanglan muboto karong tuiga gumikan automatic nga mawala ang pangalan sa listahan sa comelec og dili makaboto sa duha ka sunod-sunod nga national elections.
Dugang niini, dili usab angay magdugay sa precinto ang mga midagang kandidato gumikan dili na sila pwede mangampanya nianang adlawa.
Alang sa mga adunay reklamo, mamahimong mag-file mismo og complaints sa COMELEC aron sa pormal nga proseso.
RadyoMaN Renz Barbarona
