Davao City – Padayon karon ang ginahimong final briefing sa Commission on Election (COMELEC) ngadto sa mga magtutudlo nga magsilbing electoral boards sa umaabot nga 2019 midterm election.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC-XI, gisaysay niini nga ang maong final briefing o last minute reminders kabahin sa ilang pagpangandam sa pinili-ay aron kini mamahimong hapsay ug magmalampuson.
“Right now, naga conduct sa atong series og final briefing sa atong mga teachers, electoral boards, staff ug tanang mag serve sa eleksyon,” saysay ni Caballero.
Gibutyag ni Caballero nga sa pagkakaron anaa na sa 85% ang kaandam sa buhatan sa pinili-ay diin anaa na usab sa City Treasurer’s Office o sa mga hubs ang mga kagamitan alang sa eleksyon.
RadyoMaN Kirby Manzon
