Davao City – Nasunog ang usa ka electric fan nga gika-alarmahan sa mga estudyante ug magtutudlo sa usa ka pampublikong eskwelahan sa purok 2, Lubogan, Toril ning syudad sa Davao partikularminte sa San Miguel Elementary School bandang ala una kaganinang hapon. Sumala pa sa usa ka security guard sa nahisgutang tulonghaan nga si Robert Mamac alyas Tata nga gidagan na lamang siya sa usa ka estudyante nga nagsumbong kaniya nga nagasiga na ang usa ka electric fan sa sulod sa usa ka home and economics room. Sa pagresponde ni Mamac dali niya kining gipagawas sa nahisgutang classroom. May na lang ug nadali kini paggawas ug walay mga napaso kun nadisgrasya nga mga estudyante. Sa pagsubay sa imbestigador sa Bureau of Fire Protection nga si FO3 Erwin Alcosaba nga nag short circuit ang extension wire nga sinumpayan diin asa gisaksak ang electric fan. Hinuon walay nadamyos nga mga importanteng dokumento sa maong tulonghaan ug ang electric fan lamang ang naguba nga mokantidad og 1,600 ka pesos. Pahimangno kanunay sa Bureau of Fire Protection (BFP) nga sa bulan sa Marso sagad mohapak ang taas nga temperatura sa panahon hinungdan nga kinahanglan nga magmaigmaton ilabi na sa pag gamit og mga appliances ug i-check kanunay ang mga linya sa kuryente aron malikay sa disgrasya sa sunog. RadyoMaN Paul Canono tags: DXDC 621 RMN Davao
