Davao City – Nasayran nga electrical arcing ang kawsa sa dakong sunog nga natigayon sa may Purok 3A Sto. Rosario NSV Ilang, Davao City nga nilamoy sa 28 ka mga panimalay pasado alas-5:00 sa buntag kagahapong adlawa.
Sa interbyu sa RMN Davao kang Panacan Fire Station Commander Fire Insp. Willy Melodi nga nagsumikad ang sunog sa panimalay sa usa ka Josephine Lamoste.
Samtang sa datos gikan sa Department of Social Welfare and Development XI nga kapin P6M ang damyos sa maong sunog.
Segun ni DSWD Disaster chief Erna Sampiano nga 20 ang gideklarang totally damage ug duha partially damage lakip usab ang 6 ka mga renters, 6 ka mga sharers, 1 slighty damage ug upat ka mga absentee owners.
Nitunol ang DSWD XI ug sila Senador Elect Christopher Lawrence “Bong” Go ug mga ayuda lakip na mga school supplies ngadto sa mga nasunugan.
Gikatakdang mag-apod-apod usab og mga food packs ug uban pang donasyon ang DXDC 621 RMN Davao sa mga apektado.
Gipaabot ni Brgy. Ilang Kapitan Amado Babao ang iyahang pasalamat sa tanang adunay malumong kasing-kasing nga nitabang sa iyahang mga constituents.
RadyoMaN Aimee Guinita
