Davao City – Sikop sa pwersa sa San Pedro PNP ang usa ka electrician human nakuhaan sa gituohang shabu atol sa gilusad nga buy-bust operation alas 9:00 kagabie didto sa San Vicente Brgy. Leon Garcia siyudad sa Davao.
Sa report sa San Pedro PNP, ang suspek mao si Edmar Bantiles, 28 anyos, residente sa San Isidro R. Castillo, Agdao ning siyudad.
Narekober gikan sa dinakpan ang usa ka medium square shape plastic transparent achet nga gituohang shabu, ug lain pa nga usa ka big size of square shape plastic transparent sachet nga nagkantidad og P7,500.00 lakip nakompiska ang P500.00 buy-bust money.
Balhug na sa selda sa San Pedro PNP ang dinakpan ug gihikay na sa kapolisan ang kasong kalapasan sa R.A. 9165 kun comprehensive dangerous drugs act of 2002.
Sa pikas bahin, sikop usab sa Buhangin PNP ang duha ka mga drug pusher human nakompiskahan sa gituohang shabu sa gikasang buy-bust operation natigayon sa Taliay Inn nahimutang sa Narra St. Awhag Subd., Bacaca ning siyudad sa Davao.
Sa record sa Buhangin PNP, ang duha ka mga dinakpan mao sila si Jun Osman, 34 anyos, minyo, lumad nga taga-Rosales St. Height 4 sa dakbayan sa Cotabato, ug laing usa ka Sharrie Mae Dequito, 30 anyos, dalaga, nagpuyo sa Narra St., Awhag Subd. Bacaca ning dakbayan.
Nakompiska usab sa mga dinakpan ang usa ka elongated heat sealed transparent plastic sachet, duha ka small size square heat sealed transparent plastic sachet, usa ka improvised tooter glass tube nga dunay gituohang sulod nga shabu residue ug usa ka lighter lakip ang P500.00 buy-bust money.
Gani balhug na si Bantiles sa San Pedro PNP samtang ang laing duha balhug usab sa Buhangin PNP diin gipanghikay na sa kapulisan ang kasong kalapasan sa R.A. 9165 kun comprehensive dangerous drug act of 2002 aron mapasaka ngadto sa korte.
RadyoMaN Don Pulayao
