Pagadian City – Gikustodiya na karon sa kapulisan ning syudad sa Pagadian ang usa ka electrician human kining nadakpan sa gihimo nga manhunt operation sa Purok Nangka, Barangay Lenienza, Pagadian City alas 12:05 kagahapon sa udto.
Giila sa hepe sa Pagadian City Police Station nga si Police LT. COL ALVIN SAGUBAN, ang akusado nga si EDMER FIEL, 26- anyos, ulitawo, electrician ug residente sa nahisgutan nga lugar.
Armado ang kapulisan sa Warrant of Arrest sa kaso nga RECKLESS IMPRUDENCE RESULTING IN HOMICIDE dihang gipahigayon ang operasyon.
Ang maong mandamiento de arresto gipagawas ni Judge JOHNABEL TABUNDA, sa Municipal Trial Court in Cities, 9th Judicial Region, Branch 2, Pagadian City.
Ang dinakpan gitugutan sa korte nga pagkapyansa sa kantidad nga 36, 000 ka pesos alang sa temporaryo nga kagawasan sa niini.
