Giposasan ang suspek nga giilang si Jomari Creven Roquero Alyas “Jomarie”, 26 anyos, ulitawo, electrician, ug nagpuyo sa South San Juan, Barangay Centro Agdao.
Wala na makapalag ang suspek dihang nagpaila nga pulis ang nagpalit og iligal nga droga ug nagpapusas na lamang kini sa kapulisan aron buhi pa kini madala ug mapaslak sa selda sa Presinto #4.
Nakumpiska gikan sa suspek ang mga iligal nga droga, mark money, ug uban pang kagamitan sa iligal nga kalihokan ni Jomarie.
Natiktikan sa kapulisan ang pag-sideline sa pagpamaligya og droga pinaagi sa inpormasyon nga ilang nakalap hinungdan nga gipailawom si Jomarie sa surveillance.
Ang suspek nagpayuhot sa ilegal nga droga sa area of responsibility sa Sasa Pnp busa giandam na ang kasong may kalapasan sa Republic Act 9165 kon Comprehensive Dangerous Drugs Act of 2002.
RadyoMaN Joel Viray
